BBK-k EIKENekin kolaboratzen du EikenTalent 2018 lehiaketaren edizioan.  EikenTALENT gazteentzako programa da, ikus-entzunezkoen munduan esperientziarik ez eta ikasten ari diren edo duela gutxi ikasketak amaitu dituztenentzat, bai unibertsitateetan eta bai lanbide-heziketako zentroetan eta zentro pribatuetan. Proiektu-kopuru jakin bat hautatu eta saritzea da helburua, eta lankidetza gehigarriak sorraraztea talentu sortzailearen eta euskal produkzio-etxeen artean.

Edizio honetan, gainerako sarietarako aurkezturiko proiektuez gain, beste kategoria baterako ere aurkeztu ahal izango dira proiektuak goiburu honekin: “Ezagut ezazu Ola BBK zentroa”. Kategoria honen helburua da herritarrek Ola BBK zentroaz dituzten ikuspegiak ezagutaraztea; arreta integralerako zentroa da, eta adimen-urritasuna dutenen, hauen familien eta arlo honetan lanean diharduten gizarte-eragile guztien zerbitzura dago.

“Ezagut ezazu Ola BBK” kategoriaren ezaugarriak

Kategoria honetan aurkezturiko proiektuak honako baldintza hauen arabera arautuko dira bereziki:

1. Proiektuek “Ezagut ezazu Ola BBK zentroa” gaiari erantzun behar diote.
2. Proiektuen bideoan azaldu behar da gazteek zelan ikusten duten aipaturiko zentroa.
3. Erakundeari buruzko informazioa kontsultatu eta handiagotzeko, webgunean begira daiteke: https://www.bbk.eus/all-service-list/centro-ola/
4. Bideoa edozein teknikaz egin daiteke eta ezin da izan (kredituak barne) 3 minutu baino luzeagoa, ezta minutu bat baino laburragoa ere.
5. Bideoa euskaraz, gaztelaniaz edo bietara graba daiteke.
6. Bideoa aurkezteaz gain, nahitaezkoa da parte hartzeko on-line inprimakia betetzea, EikenTALENTen webgunean dagoena. Parte hartzeko inprimaki edo formularioa bete ostean, inprimakian bertan ‘artxiboa’ eremuan igo behar da bideoa.
7. Proiektuak aurkezteko epea 2018ko ekainaren 1ean amaituko da.

Sariak

• “Ezagut ezazu Ola BBK zentroa” goiburupean aurkezturiko bideorik onenarentzako saria ordaindutako prestakuntza praktikorako beka bat izango da, edukiak ─Sorkuntza Ekonomiako Industriei lotuak─ sortu eta banatzen diharduen enpresa batean.
• Gainera, 1.000€ko saria emango zaio eskudirutan hautaturiko proiektuari.

Aurkezteko epea

Proiektuak aurkezteko epea 2018ko ekainaren 1era artekoa izango da.

BBK Sariaren oinarriak-2018

Informazio gehiago: https://eikencluster.com/eu/eikentalent